Пойтахт ҳокимининг биринчи ўринбосари Бахтиёр Ҳайдаровнинг маълум қилишича, 16 октябрь куни президент бошчилигида ўтган йиғилишда Тошкент шаҳрига кириш ва чиқиш постларини кўчириш бўйича таклифлар маъқулланди. Постларнинг янги жойлашуви ҳозирча ошкор этилмади.

Ҳоким Шавкат Умурзоқовнинг сўзларига кўра, ҳар куни Тошкентга 400 мингдан ортиқ автомобиль киради, 1 миллиондан ортиқ аҳоли қатнайди. Бунинг сабаби — жамоат транспорти тизимининг етарли ривожланмаганидир.

Режага кўра, шаҳар ташқарисида автовокзаллар, кемпинглар ва тўхташ жойлари барпо этилади. Жамоат транспорти, хусусан БРТ тизими йўлга қўйилса, пойтахтга автомобиль оқими камайиб, тирбандлик муаммоси сезиларли даражада бартараф этилиши кутилмоқда.

• Тошкент
• Transport
• viloyat