Шимолий Ирландиянинг Лондондерри графлигидаги торф ботқоғида геологик қидирув ишлари олиб борилганда одам қолдиқлари топилди. Туман полицияси топилма билан дарҳол қизиқиб, терговни бошлади, чунки топилган қолдиқлар жиноят оқибати бўлиши мумкин.

Торфдан юмшоқ тўқималар, суяклар ва буйрак қолдиқлари олинган. Таҳлиллар ва экспертизалар суд антропологияси мутахассислари томонидан амалга оширилди. Маълум бўлишича, марҳум 13-17 ёшлардаги ўғил бола бўлиб, номаълум сабабга кўра вафот этган. Ҳамда марҳум тахминан 2000-2500 йил олдин яшаган.

Ботқоқлик қисман мурдага мумиё вазифасини бажаргани боис жасаднинг танаси, қисмлари сезиларли даражада сақланиб қолган. Маҳаллий аҳолининг айтишига қараганда, Торф ботқоқлигидан кўп бор қадимий ашёлар ва турли қолдиқлар аниқланган.

• Metropoliten
• топилма