9-11 июль кунлари Вашингтонда НАТОнинг Украинага бағишланган саммити бўлиб ўтади. Шунингдек, бугун НАТО ташкил этилганининг 75 йиллигини нишонлаш ҳам режалаштирилган.

Ушбу саммит НАТО бош котиби Женс Столтенберг раислигида бўлиб ўтади. Қайд этилишича, кун тартибининг асосий нуқтаси Россия-Украина уруши бўлади. Шу муносабат билан саммитда альянснинг 32 аъзоси, шунингдек, Украина, Австралия, Япония, Янги Зеландия ва Жанубий Корея раҳбарлари иштирок этади.

Муҳокамалардан сўнг аъзо давлатлар Украинани қўллаб-қувватлаш бўйича муҳим чора-тадбирлар бўйича фикр алмашади.

Таъкидлаш жоизки, НАТО аъзолари 2022 йилдан бери Украинани қўллаб-қувватлаш учун унга йилига 40 миллиард евро ажратган.

Шунингдек, саммитда НАТО Украина хавфсизлигини халқаро қўллаб-қувватлашни мувофиқлаштириш учун қўмондонлик маркази ташкил этилишини эълон қилади. Ушбу қўмондонлик маркази Германияда жойлашган бўлади.

НАТО 1949 йилда Вашингтонда 12 мамлакат “Шимолий Атлантика шартномаси”ни имзолагандан сўнг ташкил этилган.

Шунингдек, НАТО саммити охирги марта АҚШда 2012 йилда бўлиб ўтган эди.

• Австралия
• Janubiy Koreya
• НАТО
• Украина
• Янги Зеландия
• Япония