Бир вақтнинг ўзида ўзбекистонлик 7 нафар дзюдочи Жаҳон рейтингида пешқадамлик қилишяпти.

Хабарингиз бор, жаҳон чемпиони Давлат Бобонов (-90 кг) ҳамда Диёра Келдиёрова (-52 кг) катталар ўртасида рейтинг карвонбошиси бўлиб туришибди.

Шунингдек, 5 нафар ўсмир ва ёшларимиз ҳам дунё рейтингида пешқадамликни ўз қўлларига олишган. Шу йил Босния ва Герсеговинада ўтган кадетлар ўртасидаги Жаҳон чемпионати ғолибаси Барчиной Қодирова (-70 кг), кадетлар ўртасида Осиё чемпиони, “Осиё болалари” мусобақаси ғолибаси Лазиза Ҳайдарова (-40 кг), Эквадорнинг Гуаякил шаҳрида ўтган ёшлар ўртасидаги Жаҳон чемпионати ғолиби Жаҳонгир Маматраҳимов (-90 кг), ушбу мусобақанинг кумуш медали соҳиби Азизбек Ортиқов (-66 кг), бронза медали эгаси Исломбек Равшанқулов (+100 кг) ўз вазнларида Жаҳон рейтингини бошқариб туришибди.

Ўзбекистон дзюдо федерацияси матбуот хизмати

• Давлат Бобонов
• Дзюдо
• Ўзбекистон
• рейтинг