ESnet тармоғининг яратувчилари ESnet6 нинг янги версиясида унинг тезлигини 46 Тбит /с га оширдилар. Ушбу тезлик олимлар учун ўта юқори тезликдаги интернет бўлди.

ESnet Интернет тармоғи 1986 йилда АҚШда олимлар ўртасида катта ҳажмдаги маълумотларни узатиш учун алоқа воситаси сифатида пайдо бўлган. Доимий ривожланаётган технологиялардан хабардор бўлиш учун ESnet яратувчилари тармоқнинг такомиллаштирилган версиясини ишлаб чиқдилар.

ESnet6 нинг бундай ютуғига 400 Гбит/с дан 1 Тбит /с гача тезликда маълумотларни узата оладиган 24 000 км махсус оптик толали кабеллар орқали эришилди. Натижада 46 Тбит /с гача бўлган ўтказиш қобилияти ESnet6 ни ўз сегментида этакчига айлантиради.

Бундай қувват ESnet6 учун зарур бўлиб, олимлар улкан ҳажмдаги маълумотларни нафақат ўз ҳамкасблари, балки махсус обектлар ўртасида ҳам алмашишлари мумкин. Тармоқ иқлимни моделлаштириш, геномик тадқиқотлар, телескоп кузатувлари, физика тажрибалари ва квант маълумотлари каби маълумотларни ўрганадиган илмий соҳаларда ҳам талабга эга.

• Интернет
• Tezlik
• илм-фан
• қизиқарли