Сирдарёлик аёл 4 нафар эркакка ОИВ инфекциясини юқтирди. Бу ҳақда ИИВ ахборот хизмати хабар берди.

Қайд этилишича, Сирдарё вилоятида яшовчи, 1999 йилда туғилган М.С. исмли аёл 2020 йил 13 февралда Сирдарё вилояти ОИТСга қарши курашиш маркази томонидан ОИВ инфекцияси юқтириб олган шахс сифатида рўйхатга олинган.

Шунингдек, унга бошқа шахсларга ОИВ инфекциясини юқтирган тақдирда жиноий жавобгарликка тортилиши тўғрисида тегишли тартибда огоҳлантирилган.

Шунга қарамай, М.С қасддан жиноят содир қилиш йўлига ўтиб, 2022 йил август ойидан 2022 йил декабрь ойига қадар бўлган вақт оралиғида Бухоро тумани ҳудудида жойлашган чўл зонасида 4 нафар фуқаро билан бирга бир неча маротаба жинсий алоқада бўлган.

Оқибатда, ОИВ инфекцияси борлигини олдиндан билган ҳолда ушбу касалликни бошқа шахсларга юқтириш хавфи остида қолдирган.

Маълум қилинишича, мазкур ҳолат юзасидан Ўзбекистон Республикаси Жиноят кодексининг 113-моддаси 4-қисми билан жиноят иши қўзғатилиб, ҳозирги кунда дастлабки тергов ҳаракатлари олиб борилмоқда.

• ИИВ
• Касаллик
• ОИВ