Эрон бойитилган уран ишлаб чиқаришни яна кучайтирмоқда. Бу ҳақда БМТ ядровий агентлигига таяниб BBC хабар бермоқда.

Халқаро Атом энергетикаси агентлигига кўра, ҳозирда Эрон 60 фоиз даражада бойитилган 400 килограммдан ортиқ уранга эга. Бу тинч мақсадларда фойдаланиладиган даражадан анча юқори. Ушбу миқдор уч ой ичида деярли 50 фоизга ошган. Агентлик хулосасига кўра, Теҳрон учта ҳудудда: Лависан-Шиан, Варамин ва Туркзободда ядровий фаолият олиб борган.

Агар уран янада бойитилса, тахминан 10 та ядровий қурол тайёрлаш мумкин бўлади. Эрон доимо эса ядровий дастури фақат тинч мақсадларда эканини айтиб келган.

“Эрон томонидан юқори даражада бойитилган уран ишлаб чиқариш ва сақлашнинг сезиларли даражада ошиши... жиддий хавотир уйғотади”, – деди ХАЭА бош директори Рафаэл Гросси.

Бу хабардан сўнг, Исроил 31 май куни Эронни ядро қуролига эга бўлишга қатъиян қарор қилганликда айблаган. Эрон ташқи ишлар вазири Аббос Ароқчи бунга жавобан Теҳрон ядро қуролига қаршилигини билдирган.

АҚШга кўра, агар Эрон ядро қуроли ишлаб чиқаришни хоҳласа, икки ҳафтадан камроқ вақт ичида қурол материали ишлаб чиқариши ва бир неча ой ичида бомба ясаши мумкин.

Сўнгги вақтларда Эрон президенти Саид Али Ҳусайний Хоманаийнинг икки маслаҳатчиси — Али Ларижоний ва Камол Харази халқаро босим кучайган тақдирда Эрон ядро қуроли яратилишига қарши азалий позициясини қайта кўриб чиқиши мумкинлигини айтган.

• БМТ
• Eron
• Ядровий қуроль