Зилзила мамлакатнинг жануби-ғарбий соҳилларида содир бўлган. Бу ҳақда мамлакатнинг Табиий офатлар ва фавқулодда вазиятлар бошқармаси (AFAD) хабар бермоқда.

Маълум қилинишича, зилзила эпимаркази Эгей денгизида, Мармарис шаҳридан 10,43 км узоқликда. Зилзила ўчоғи эса 67,91 километр чуқурликда жойлашган. Муғла губернатори Идрис Оқбийиқ зилзиладан кейин ваҳимага тушиб баландликдан сакраган 34 киши жароҳатланганини айтган.

Ҳозирда жами жароҳатланганлар сони 69 кишини ташкил этмоқда. Ер силкиниши туфайли 14 ёшли бола ваҳимага тушиб, вафот этган. Жами 55 киши шифохоналарга мурожаат қилган. Зилзиладан сўнг шаҳарда энергия таъминоти ва инфратузилмаси, табиий газ таъминоти, ичимлик суви ва канализация инфратузилмаси фаолиятида салбий ҳолатлар кузатилмаган.

• Туркия
• Зилзила