Чорвоқда 6 ёшли болани Damas автомашинаси уриб уриб юборди. Мазкур йўл-транспорт ҳодисаси юзасидан Тошкент вилояти ИИББ ЙҲХБ маълумот берди.

Унга кўра, жорий йилнинг 27 июль куни соат тахминан 13:10 ларда Тошкент вилояти Бўстонлиқ тумани ҳудудидан ўтган 4Р10 “Чорбоғ сув омбори ҳалқа йўли” автомобиль йўлининг 14 километрида ҳайдовчи 1999 йилда туғилган Янгийўл туманида истиқомат қилувчи З.М. “Damas” русумли транспорт воситасида ҳаракатланиб кетаётган вақтида йўлнинг чап томонидан ўнг томонига югуриб ўтаётган вояга етмаган 2018 йилда туғилган Чиноз туманида истиқомат қилувчи пиёдани уриб юборган.

Мазкур йўл-транспорт ҳодисаси натижасида пиёда турли хил тан жароҳатлари олиб туман марказий шифохонасига ётқизилган.

Ҳозирда Бўстонлиқ тумани Ички ишлар бошқармаси томонидан суриштирув ишлари олиб борилмоқда.

• Chorvoq