“Барселона” ва Бразилия терма жамоасининг собиқ ҳимоячиси Дани Алвешни зўрлаш ва таъқиб қилиш бўйича айбловларни тан олди. Жабрланган қиз эса уни қонун бўйича жазоланишини талаб қилмоқда.

Маълум қилинишича, судья жабрланувчига айблов ҳукми чиқарилган тақдирда етказилган тан жароҳати ва маънавий зарар учун моддий компенсация олиш ҳуқуқига эга эканлигини эслатган, бироқ қиз бу ҳуқуқдан воз кечган. Шу билан бирга, жабрланувчи изчил кўрсатма берди, Алвеш эса саросимага тушиб, уч марта кўрсатмасини ўзгартирган.

Олдинроқ Алвеш 4 йилдан 12 йилгача муддатга озодликдан маҳрум этилиши мумкинлиги хабар қилинганди.

Испания қонунларига кўра, жинсий зўравонлик 4 йилдан 12 йилгача қамоқ билан жазоланади. Дани Алвеш гаров пулисиз ҳибсга олинди ва Мексиканинг “Пумас” клуби футболчи билан амалдаги шартномасини бекор қилди.

Аввалроқ қизлардан бири Дани Алвесни ички кийими остига қўлини қўйганликда айблаган эди. Тахмин қилинган воқеа 30 декабр куни тунги клублардан бирида содир бўлган.

Дастлаб Алвеш воқеаларнинг бундай ривожланишини рад этганди. Бироқ кейинчалик айбига иқрор бўлди. Унинг рафиқаси, шунингдек, Данининг атрофидагилар тунги клубда жуда оз вақт бўлганини айтиб, уни ҳимоя қилган эди.

• Braziliya
• Футбол
• Мексика