Иккинчи минтақавий ҳудудга қарашли 6-сон жазони ижро этиш колониясининг касб-ҳунар марказида Наманган вилояти Ошпазлар жамияти раиси иштирокида ошпазлик йўналишида навбатдаги амалий машғулот ўтказилди.

Машғулотда жазо муддатини ўтаётган, ошпазлик касбига қизиқиш билдирган маҳкумлар жалб этилди. Дарс давомида тажрибали ошпаз томонидан “Димлама” таомини тайёрлаш босқичлари амалий тарзда ўргатилди. Хусусан, овқат тайёрлашда гигиенага риоя қилиш, маҳсулотларни тўғри майдалаш, зиравори ва туз миқдорининг мувозанатини сақлаш каби муҳим жиҳатлар ҳақида батафсил тушунчалар берилди.

Шунингдек, машғулот жараёнида маҳкумларнинг қизиқтирган саволларига мутахассис томонидан амалий жавоблар берилди.

• ИИББ
• Jazo
• Наманган
• Oshpaz