“Ўйинчоқлар тарихи” (“Toy story”), “Музюрак” (“Frozen”) ва “Зоотопия” сингари машҳур анимацион фильмларининг давоми яратилади. Қайд этилишича, мультфильмларнинг янги қисмлари аллақачон ишлаб чиқилмоқда. Бу ҳақда “Disney” (компания 1923 йил 16 октябрда ташкил этилган) бош директори Боб Игер компаниянинг биринчи чоракдаги даромадлари тўғрисидаги ҳисоботни тақдим қилиш чоғида маълум қилган.
“Disney” раҳбари яқин вақт ичида картиналар ҳақида батафсил маълумотлар пайдо бўлишига ваъда берди. У, шунингдек, ушбу лойиҳаларни “бетакрор брендлар ва франшизаларга таянишнинг энг ёрқин мисоли” сифатида баҳолаган.
Ушбу барча франшизаларнинг сўнгги фильмлари катта экранда глобал прокат хитларига айланди: “Музюрак 2” 2019 йилда 1,45 миллиард доллар даромад келтирди ва дунёдаги энг қиммат анимацион лойиҳалардан бири ҳисобланади. “Pixar”нинг “Ўйинчоқлар тарихи 4” лойиҳаси эса айнан 2019 йилда бутун дунё бўйлаб 1,07 миллиард доллар маблағ “ишлаган” ва “Зоотопия” 2016 йилда 1,02 миллиард доллар даромад келтирган.
Таққослаш учун, “Disney”нинг энг янги анимацион лойиҳалари давомли бўлиши ҳақида миш-мишлар ҳам мавжуд эмас. Чунки “Ғалати дунё” анимацияси дунё бўйлаб 74 миллион доллардан камроқ, “Энканто” (2021 йилда “Оскар”га лойиқ кўрилган) мюзикли эса 256 миллион доллар “касса йиғган”.
Қайд этиш мумкин, “Фрозен”, “Ўйинчоқлар тарихи 3”, “Ўйинчоқлар тарихи 4” ва “Зоотопия” лойиҳалари ўз даврида энг яхши анимацион фильм сифатида “Оскар” мукофотига сазовор бўлган. Бундан ташқари, уларнинг барчаси дунёдаги энг кўп даромад келтирган мультфильмлар топ-10 рўйхатида мавжуд.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!