5 февраль куни Тошкент шаҳар судининг жиноят ишлари бўйича судлов ҳайъати судьяси Мусо Юсупов раислик қилаётган мазкур жиноят ишида суд тергови якунлангани маълум қилинди. Бу ҳақда Kun.uz нашри хабар бермоқда.

Суд музокарага тайёрланиб келиш учун давлат айбловчиси ҳамда адвокатларга муддат берди.

9 февраль, жума куни музокаралар бошланиши кутилмоқда. Жиноят-процессуал кодексига кўра, музокараларда прокурор, сўнгра жабрланувчилар, ҳимоячилар ва судланувчилар сўзга чиқади.

Маълумот учун, 68 нафар боланинг ўлимига сабаб бўлган “Док-1 Макс” дори воситасига доир жиноят иши бўйича илк суд иши 2023 йилнинг 11 августида бўлиб ўтган эди. Мазкур иш доирасида 23 нафар шахс Жиноят кодексининг турли моддалари билан айбланмоқда. Уларнинг 9 нафарига нисбатан қамоқ эҳтиёт чораси қўлланган.

• Dok-1 Maks
• Жиноят
• Суд
• Тошкент