“Док-1 Макс” ишини кўриб чиққан судлов ҳайъати сиропдан заҳарланиб вафот этган 68 нафар боланинг қонуний вакилларига 6 нафар судланувчи ҳисобидан солидар тартибда 1 миллиард сўмдан товон пули ундирилишини белгилади.

Шунингдек, оғир тан жароҳати олиб ногирон бўлиб қолган 16 нафар ва енгил тан жароҳати олган жабрланувчиларнинг қонуний вакилларига 500 миллион ва 200 миллион сўм миқдорида товон пули ундириладиган бўлди.

75 миллиард 600 миллион сўмлик компенсация

“Док-1 Макс” ва “Амбронол” дори воситаларидан вафот этган 68 нафар ҳамда турли даражада соғлиғига зиён етган 16 нафар боланинг қонуний вакилларига жами бўлиб тўланадиган компенсация миқдори 75 миллиард 600 миллион сўмни ташкил қилди.

• Dok-1 Maks
• Суд
• Тошкент