Дубайдаги қийин вазиятга тушиб қолган Ўзбекистон фуқаросига ҳуқуқий ёрдам кўрсатилди. Бу ҳақда Дунё ахборот агентлиги хабар берди.

1996 йилда Дубайга мавсумий иш учун келган фуқаро Н. Ж. фирибгарларнинг қурбони бўлиб, қонуний санкцияларга дуч келди. Натижада у мамлакатни тарк эта олмади, шунингдек, ишсиз ва яшаш учун маблағсиз қолди.

Ўзбекистоннинг Дубайдаги Бош консуллиги ходимлари фуқарони вақтинчалик уй-жой, озиқ-овқат ва бошқа зарур нарсалар билан таъминлаб, консуллик-ҳуқуқий ёрдам кўрсатиб, Ўзбекистонга қайтаришга кўмаклашдилар.

Дипломатлар томонидан Бирлашган Араб Амирликларининг ҳуқуқни муҳофаза қилиш ва тегишли органлари билан ўтказилган музокаралар натижасида фуқаро Н. Ж. нинг 901600 дирҳам (247 минг 13 АҚШ доллари) миқдоридаги қарзининг умумий миқдорини ҳисобдан чиқариш ва юзага келган барча муаммоларни бартараф этишга эришилди.

Жорий йилнинг февраль ойида Бош консуллик раҳбарлигида Амирликларда рўйхатдан ўтган “аёллар ва болаларга ёрдам маркази” хайрия ташкилоти орқали фуқаро Н. Ж. Дубай – Тошкент йўналиши бўйича Ўзбекистонга қайтиб келди.

• БАА
• Ўзбекистон
• Санкция