Олимлар дунёдаги энг йирик ва энг ҳидли гуллар йўқ бўлиб кетиши ҳақида огоҳлантирдилар. Раффлезия фақат Жануби-Шарқий Осиёнинг ўрмонларида учрайди ва катта хавф остида.

Оксфорд университети томонидан ўтказилган янги тадқиқотга кўра, дунёда раффлезиянинг 42 тури мавжуд. Уларнинг 25 тури катта хавф остида эканлиги айтилмоқда.

Асосий сабаб - табиий яшаш жойининг йўқолиши. Олимларнинг таъкидлашича, қолган популяцияларнинг аксарияти ҳимояланмаган ҳудудларда жойлашган. Шунингдек, маълумотларга кўра ботаника боғларида раффлезияни этиштиришга уринишлар ҳали муваффақиятли бўлмаган.

Мутахассислар раффлезияни ботаниканинг энг катта сирларидан бири деб аташади. Бу ўсимлик Индонезия, Малайзия, Филиппин, Таиланд ва Брунейда узумзорларда паразитлик қилади.

Ўсимликшунослар популяциялар хавф остида бўлган раффлезия яшаш жойларини ҳимоя қилишни кучайтиришни таклиф қилишди. Бундан ташқари, раффлезиа турларининг ҳақиқий сонини аниқлаш учун намуна олиш экспедицияларини ташкил этиш, шунингдек, сунъий муҳитда гулларни кўпайтириш усулларини ишлаб чиқиш таклиф этилди.

• Lifestyle
• қизиқарли