1 ноябрь куни Франция президенти Остонага расмий ташриф билан келди. Қозоғистон президенти Қосим-Жомарт Тўқаев матбуот анжуманида Францияни “асосий ва ишончли ҳамкор” деб атади. Эммануэл Макрон бунга жавобан Тўқаевга Ғарбнинг Россияга қарши санкцияларига риоя қилгани учун миннатдорчилик билдирди.
Президентлар учрашувидаги устувор мавзулардан бири энергетика соҳаси бўлди.
Макрон 2 ноябрь куни Самарқандда Ўзбекистон президенти Шавкат Мирзиёев билан музокаралар ўтказди. Бу Франция Президентининг сўнгги 30 йил ичида ушбу мамлакатга илк расмий ташрифидир.
Музокаралар якунида Мирзиёев дунёдаги энг йирик уран ва ядро ёқилғиси ишлаб чиқарувчилардан бири бўлган Франциянинг Орано компанияси раҳбари Клод Имовен билан учрашди.
Макроннинг ташрифи Марказий Осиё давлатларининг минтақада юз йилдан ортиқ ҳукмронлик қилиб келаётган Россия билан муносабатларида “чуқур ўзгаришлар” содир бўлган бир вақтда бўлди, дея таъкидлади остоналик сиёсатшунос Дўсим Сатпаев ББС нашрига берган интервьюсида.
Унинг сўзларига кўра, Украинада уруш бошланганидан кейин Россиянинг Марказий Осиёдаги таъсири заифлаша бошлаган. “Ҳарбий ҳамкорлик камайди. Марказий Осиё давлатлари ҳукуматлари бу ҳақда очиқ гапирмаяпти, лекин шундай бўлмоқда”, — дея фикр билдирди сиёсатшунос.
Аввалроқ Макрон атрофидаги манбалар Блоомберг нашрига Франция президентининг сафари сабабларидан бири собиқ Совет республикаларини Россияга қарамликдан чиқиб кетишга кўндириш эканини айтган эди.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!