Ўзбекистон Экологик партияси мунозаралар клубида бугунги кунда долзарб мавзуга айланган Тошкент шаҳрининг ифлос ҳавоси сабаблари ва IQAir платформаси муҳокама қилинди.

Мутахассис Баҳром Эсанов IQAir тақдим этувчи маълумотларга доим ҳам ишониш мумкин эмаслигини айтди. Унинг сўзларига кўра, исталган жисмоний ёки юридик шахс ўзи ўрнатган сенсорларни платформага киритиш имкониятига эга.

Тошкентда платформага уланган сенсорлар икки саноат корхонаси ўртасида ўрнатилган ҳолатлар ҳам кузатилган. Бундай жойлашув фақат ўша ҳудуддаги ҳаво сифатига салбий таъсир кўрсатибгина қолмай, бутун шаҳар бўйича кўрсаткичларнинг ёмонлашувига олиб келган.

Экологларнинг таъкидлашича, Япония ва Европада ҳаво намлиги юқори бўлгани сабабли чангланиш даражаси жуда паст. Дунёнинг қурғоқчил минтақаларида эса ҳаводаги PM2,5 заррачаларининг юқори миқдори ундаги табиий чанг мавжудлиги билан боғлиқлиги айтилди.

• Экология
• Havo
• Ўзбекистон
• Тошкент