Ўзбекистон терма жамоаси сардори ҳамда “Рома” клуби ҳужумчиси “Каляри” клуби нима учун ижара муддатини узайтирмагани ҳақидаги айтди.

Шомуродовнинг фикрича, “Каляри” жамоаси “Рома” клуби сўраган ижара нархини тўлай олмаган ва шу сабабдан футболчи Рим клубига қайтган.

Бундан ташқари, Италиянинг “Парма” клуби Шомуродов ва яна бир ўзбекистонлик футболчи Аббосбек Файзуллаевга қизиқаётгани ҳақидаги саволга жавоб берди.

“Гап-сўзлар доим бўлади. Аббоснинг “ЦСКА” билан шартномаси бор. Клублар келишиб, расман ахборот бергачгина билиб олиш мумкин. Унгача бирор нима дейиш қийин”, - дейди Ўзбекистон миллий жамоаси сардори Элдор Шомуродов.

Футболчи “Женоа” клуби унга жуда ёқиши, Италияга биринчи келганида яхши кутиб олиб, ривожланишига ёрдам берганини алоҳида таъкидлади.

2015 йилда Ўзбекистон терма жамоасида дебютини ўтказган Элдор Шомуродов 70 та учрашувда қатнашган ва 40 бора рақиблар дарвозасини ишғол қилган.

• Футбол