Бош прокуратура ҳузуридаги Департаментнинг Олмазор тумани бўлими томонидан ўтказилган терговга қадар текширувда “Д.Т.” МЧЖ масъул шахслари кўп қаватли уйларда электр тармоғига ўзбошимчалик билан тўғридан-тўғри уланиб, 142,9 млн сўмлик электр энергиясидан ноқонуний фойдаланганликлари аниқланган. Бу ҳақда Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти хабар берди.

Шу каби, Департаментнинг Тўрақўрғон тумани бўлими томонидан ўтказилган терговга қадар текширувларда “А.Ф.” МЧЖ раҳбари А.Ф. ва “З.И.” оилавий корхонаси раҳбари И.Т. ишлаб чиқариш ҳамда умумий овқатланиш шохобчасида тижорат мақсадида электр тармоғига ўзбошимчалик билан уланиб жами 111,4 млн сўмлик электр энергиясидан ноқонуний фойдаланганликлари аниқланган.

Мазкур ҳолатлар юзасидан Жиноят кодексининг 169-моддаси (ўғрилик) билан жиноят ишлари қўзғатилиб, тергов ҳаракатлари ўтказилмоқда.

• Электр энергияси
• Ўзбекистон