“Эл Маё” лақаби билан машҳур бўлган мексикалик энг нуфузли наркобарон Исмаэл Самбада АҚШда ҳибсга олинди. Бу ҳақда DW Telegram канали хабар бермоқда.

АҚШ бош прокурори Меррик Гарланднинг айтишича, у билан 2019 йилдан бери қамоқда сақланаётган Хоакин “Эл Чaпo” Гусманнинг ўғли Хоакин Гусман Лопес ҳам ҳибсга олинган.

Эл Майо кучли “Синалоа” наркокартелининг раҳбари ва ҳаммуассиси ҳисобланади.

“Синалоа” дунёдаги энг зўравон ва кучли гиёҳванд моддалар савдоси билан шуғулланадиган ташкилотларидан бири ҳисобланади.

Самбада фентанил ишлаб чиқариш ва тарқатиш, қотиллик қилиш, пул ювиш ва бошқа бир қатор жиноятларда айбланмоқда.

Маълумот учун, уни қўлга олиш учун 15 миллион доллар мукофот ваъда қилинган.

• АҚШ
• Мексика