Туркия президенти Ражаб Таййиб Эрдоған 28 сентябрь куни украиналик ҳамкасби Володимир Зеленский билан телефон орқали суҳбат чоғида Запороже атом АЭС атрофида қуролсизлантирилган зонани яратишда Туркия томонидан ёрдам таклиф қилди, дейилади хабарда.

Сиёсатчи Россия федерацияси ва Украина ўртасида маҳбусларни алмаштириш ва дон битимини амалга оширишда Туркиянинг воситачилик фаолияти муваффақиятини таъкидлади.

“Шунга ўхшаш ёндашувни Запороже АЭС шароитида намойиш этиш мумкин ва стансия атрофида қуролсизлантирилган зонани яратишда зарур воситачилик ва ёрдам бериш таклифи берилади”, деди Эрдоған.

12 сентябрь куни халқаро атом энергияси агентлиги (ИАЕА) раҳбари Рафаел Гросси Россия ва Украина томонлари билан Запорожье атом электр стансияси атрофида ядро ва жисмоний хавфсизлик зонасини яратиш бўйича маслаҳатлашувларни бошлаганини айтди.

• Эрдоған
• Туркия
• Украина
• Zaporojye AES
• Зеленский