“Манчестер Сити”нинг норвегиялик ҳужумчиси Эрлинг Холанд АПЛнинг 28-туридан ўрин олган “Вест Хем”га қарши қолдирилган ўйинда (3:0) гол урди.

Бу тўп норвегиялик учун жорий мавсумдаги 35-гол бўлди. Шу тариқа, у бир мавсумда урилган голлар сони бўйича Англия чемпионати олий дивизионининг мутлақ рекордчисига айланди.

Холанд 1993/1994 йилги мавсумда 40 та ўйинда 34 та гол урган Энди Коул ва 1994/1995 йилги мавсумда 34 та гол урган Алан Ширернинг рекордини янгилади.

Қайд этиш мумкин, норвегиялик футболчи жорий мавсум миллий чемпионат доирасида 31 та ўйинда майдонга тушган. “Манчестер Сити” мавсум якунига қадар АПЛда яна бешта учрашув ўтказади.

• АПЛ
• Футбол
• Холанд