РИА Новости хабарига кўра, Россия президенти Владимир Путин мамлакат ёзги ва қишки Олимпия ўйинларини ўтказишга тайёрлигини маълум қилди. У бу ҳақда Россия Олимпия қўмитасининг 115 йиллиги муносабати билан йўллаган табригида сўзлаб, Россия келажакда ҳам Олимпия ўйинларини қабул қилишга очиқ эканини таъкидлади.

Шунингдек, Путин мамлакат Халқаро Олимпия қўмитасининг асосчиларидан бири бўлганини эслатиб, 1980 йилда Москвада ва 2014 йилда Сочида ўтказилган Олимпия ўйинлари юқори даражада ташкил этилганини қайд этди.

У шунингдек, Россия Олимпия қўмитаси спортни ривожлантириш, спортчиларни тайёрлаш, соғлом турмуш тарзини тарғиб қилишини ва халқаро гуманитар алоқаларни мустаҳкамлашини таъкидлади.

• Олимпиада
• Путин
• Қишки Олимпиада
• Россия