Эрондаги ўқ-дорилар заводига дрон ҳужуми уюштирилди. Мудофаа вазирлиги “муваффақиятсиз” деб атаган ҳужумда учта дрон иштирок этган, бироқ қурбонлар йўқ.
Вазирликнинг маълум қилишича, Исфаҳон шаҳридаги ишлаб чиқариш мажмуаларидан бирига учувчисиз учиш аппаратлари томонидан қилинган ҳужум натижасида цехнинг томи шикастланган. Ҳужум қурбонлар ва жиҳозларнинг ишдан чиқишига олиб келмаган.
Эрон Мудофаа вазирлиги “муваффақиятсиз” деб атаган ҳужум 28 ноябрь оқшомида содир бўлган. Унда учта дрон иштирок этган. Улардан бири ҳаво ҳужумига қарши мудофаа тизими томонидан уриб туширилган, қолган иккитаси “мудофаа тузоғига” тушиб, портлаб кетган.
Мамлакат Мудофаа вазирлиги айнан қайси корхона ҳақида гап кетаётгани ва ҳужум ортида ким туриши мумкинлигига аниқлик киритмаган. Агентлик бу ўқ-дорилар заводи эканлигини айтди ва гўёки портлаш лаҳзасини акс эттирувчи видеони эълон қилди. Портлаш содир бўлган жойдан олинган видеолар ҳам корхона камералари томонидан эълон қилинган.
“Воқеадан сўнг тергов ва етказилган зарарни баҳолаш бошланди”, деб ёзади агентлик Исфахон вилояти ҳокимиятига таяниб. Кейинроқ Фарс ахборот агентлиги ўзининг Twitter саҳифасида портлаш содир бўлган бино ёнидаги видеони жойлаштирган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!