Маълум қилинишича, Фаластин Қизил ярим ой жамияти Ғазо сектори шимолида жойлашган Жабалия шаҳридаги биринчи тиббий ёрдам марказида ёқилғи тақчиллиги сабабли ўз фаолиятини тўхтатган. Бу ҳақда ташкилот баёнотига асосланиб, Фаластиннинг “WAFA” расмий ахборот агентлиги хабар берди.

Қайд этилишича, “Фаластин Қизил ярим ой жамиятининг тез ёрдам машиналари таъминоти тугаб қолган ва Ғазо сектори шимолидаги шифохоналар ишламаяпти”.

Шунингдек, Фаластин Қизил ярим ой жамияти ҳозирги вазиятда “мурдаларни, ярадорларни ташиш ва бошқа ишларни амалга ошириш имкониятига эга эмаслигини” маълум қилди.

Жабалиядаги марказ Фаластин Қизил ярим ой жамияти ҳомийлигида ташкил этилган. Бу ерда енгил ва ўрта даражадаги жароҳат олганларга ёрдам кўрсатилади. Тиббиёт муассасаси кунига 250 нафарга яқин беморларга хизмат кўрсатади.

• Болалар
• Фаластин
• Isroil
• O'lim