Фарғона халқаро аэропортида янги жўнаб кетиш зали қурилиши ниҳоясига етказилиб, йўловчиларга хизмат кўрсатиш даражасини сезиларли даражада ошириш, вилоятнинг туризм салоҳиятини кенгайтириш имконини беради.

Илгари мавжуд бўлган 450 кв.м. зал соатига 200-220 йўловчига хизмат кўрсатган бўлса, энди умумий майдони 1550 кв.м бўлган янги, кенг мажмуа 550-600 кишига хизмат кўрсатиш имконини беради. Бу бир вақтнинг ўзида учта халқаро рейсга тўғри келади.

Янги учиш зали замонавий услубда яратилган бўлиб, халқаро стандартларга жавоб беради. Биринчи қаватда ҳожатхоналар, иккинчи қаватда кафе ва кутиш жойлари мавжуд. Келажакда бу ерда “Дутй Free” дўкони ҳам пайдо бўлади.

Келгусида мазкур бинода йўловчилар, сайёҳлар ва шаҳар меҳмонлари учун қўшимча хизматлар йўлга қўйилади, бу эса Фарғона аэропортининг саёҳатчилар учун янада қулай ва жозибадор бўлишига хизмат қилади.

• Аэропорт
• Фарғона
• Сайёҳ
• ta’mirlash