Айни дам нуфузли турнирининг биринчи босқичи (7–14 февраль) Германиянинг Вайссенхаус шаҳрида бўлиб ўтмоқда.

Истеъдодли ўзбекистонлик гроссмейстер Жавоҳир Синдаров 1/4 финалда америкалик Хикару Накамурага қарши тай-брекнинг ҳал қилувчи иккинчи партиясини ўтказди.

Ушбу босқичнинг асосий икки учрашувида дуранг натижа қайд этилган эди. Тай-брейкнинг биринчи учрашувида қора доналарда ўйнаганига қарамай, Синдаров ғалаба қозонди. Иккинчи партияни оқ доналарда ўтказган шахматчи камбек эвазига яна ғалаба қозонди.

Шу тариқа, америкалик номдор гроссмейстер Хикару Накамура (дунё шахмат рейтингида 3-ўринда)ни мураккаб кечган қарама-қаршиликда мағлубиятга учратган Жавоҳир Синдаров мукофот жамғармаси 750 минг АҚШ долларини ташкил этувчи Freestyle Chess Grand Slam турнирининг ярим финалига йўл олди.

Бу босқичда Синдаров бошқа бир америкалик гроссмейстер Фабиано Каруана (дунё шахмат рейтингида 2-ўринда)га қарши дона суради.

• Германия
• Шахмат
• turnir