Туркияда ногирон-ампутантлар ўртасидаги мундиал давом этмоқда.

Ўзбекистон ТЖ илк турда Евро-2021 бронза медали соҳиби Полшани 3:1, 2-турда эса Европа вице-чемпиони Испанияни йирик (3:0) ҳисобда мағлуб этган ҳолда “E” гуруҳидан биринчи ўрин билан 1/8 финалга йўл олган эди.

Рустам Меҳмонов бошчилигидаги жамоа кейинги босқичда А/B/C/D квартетларида учинчи бўлган жамоалардан бири рақиблик қилади.

Бугун, 3-октябр куни мусобақанинг гуруҳ босқичи ўз якунига етади.

Ўзбекистон терма жамоаси гуруҳ аутсайдери Танзанияга қарши баҳс олиб боради. Учрашув Тошкент вақти билан 13:00 да старт олади.

Қайд этиш мумкин, гуруҳ босқичида 1/8 финалга 1-2-ўрин эгалари (12 та) ҳамда 3-ўринни қўлга киритган энг яхши 4 жамоа йўл олади.

Ҳозирда “А” гуруҳида Либерия (0 очко), “B” гуруҳида Колумбия (1 очко), “C” гуруҳида Англия (3 очко) ҳамда “D” гуруҳида Марокаш (3 очко) учинчи поғонада турибди.

Рустам Меҳмонов шогирдлари 1/8 финаллан муваффақиятли ўтса, чорак финалда “D” гуруҳи ғолиби (ҳозирча Эрон) ҳамда “F” гуруҳида (ҳозирча Италия) 2-бўлган жамоа ўртасидаги учрашувда муваффақият қозонган иштирокчига қарши тўқнаш келади.

Маълумот ўрнида, 3-тур олдидан Ўзбекистон билан бирга амалдаги жаҳон чемпиони Ангола, Япония, Гаити ҳамда мезбон Туркия кейинги босқич масаласини ҳал қилиб қўйган.

Ҳозирда, гуруҳлардаги вазият шундай кўриниш олган.

• Футбол
• Жаҳон чемпионати
• Ногирон-ампутантлар
• Ўзбекистон
• Туркия