Ўзбекистонда ўтказилган футзал бўйича Жаҳон чемпионатининг финали кеча, 6 октябрь куни бўлиб ўтди. Унда иккита Жанубий Америка мамлакатлари Бразилия ҳамда Аргентина жамоалари ўзаро беллашди.

Мазкур учрашувнинг 6-дақиқасида Бразилия ҳисобни очди. Гол муаллифи — Феррао. 12-дақиқада Рафаэл ҳисобни 2:0 кўринишига олиб келди. Биринчи бўлим шу ҳисобда якунига етди.

Иккинчи бўлим якунланишига 3 дақиқа қолганда Аргентина вакили Матиас Роса ҳисобни қисқартирди. Шундан сўнг, ўйинда бошқа ҳисоб ўзгармади ва бразилияликларнинг ғалабаси билан якунланди.

Шу тариқа, Бразилия 6-бор бош совринни қўлга киритди.

• Аргентина
• Braziliya
• Футзал
• Жаҳон чемпионати