Бугун Ғазо секторида оилавий яшаган асли татаристонлик оила Россияга эвакуация қилинди. Уларни Қозон шаҳрида Россия Фавқулодда вазиятлар вазирлигининг Татаристон бўйича тезкор гуруҳи аъзолари ва психологлари, шунингдек, ижроия қўмитаси вакиллари кутиб олган.

Департамент матбуот хизмати хабар беришича, қочқинлар 5 кундан ортиқ йўл юришган. Аввалига улар Қоҳирага боришган у ердан махсус самолётда Москвага етказилган ва Қозонга йўл олинган.

Эвакуация қилинган оила жами 10 нафар кишидан иборат бўлиб, оила бошлиғи Ғазо секторидаги портлашларда ҳалок бўлган. Аёл олти фарзанди ва уч набираси билан Татаристонга ота-онасининг олдига қайтган. "Биз ҳозир ота-онамизни кўргани келдик, аммо кейин нима бўлишини билмаймиз, ҳали ҳам шок ҳолатидамиз. Эсон-омон етиб келганимиздан хурсандмиз. Ғазо секторда газ йўқ. Бу жой Ер юзидан қириб ташланяпти”, - дея интервью берган кўчириб олиб келинган оила аъзоси.

Эслатиб ўтамиз, Ғазо секторидан эвакуация қилинган россияликларнинг биринчи гуруҳи 13 ноябрь куни Москвага етказилган эди. Иккинчи 98 нафар инсондан иборат бўлган гуруҳ 15 ноябрь кун етиб келган. Энг катта кўчириш 17 ноябрь куни Рафаҳ назорат-ўтказиш пункти орқали амалга оширилиб, 200 нафарга яқин Россия фуқаролари ва уларнинг оила аъзолари эвакуация қилинган эди. Шу вақтга қадар жами 428 нафарга яқин россияликлар уруш ўчоғидан эвакуация қилинган.

• Фаластин
• Isroil
• Россия
• Татаристон