5 йил давомида АҚШ терма жамоаси таркибида дона сурган ўзбекистонлик гроссмейстер Гулруҳбегим Тоҳиржонова бундан буён яна Ўзбекистон номидан иштирок этиши эълон қилинди.

У билан олиб борилган музокаралар натижасида Гулруҳбегим юртимизга қайтиб келган.

“Гап пулда ёки ваъдаларда эмас, мен доим ватанимиз байроғи остида қатнашишни хоҳлаганман. Лекин орада шундай давр бўлдики, кетишга мажбур бўлдим. Агар мен Ўзбекистонда муҳит ўзгарганини, шахмат федерациясида спортчиларга эътибор пайдо бўлганини ҳис қилмаганимда қайтмас эдим”, – дея бу қарорини изоҳлаган Гулруҳбегим.

Маълумот учун, Тоҳиржонова шу пайтгача АҚШ терма жамоасининг 1-рақамли шахматчиси эди. У 2023 йилда АҚШда “Йилнинг энг яхши аёл шахматчиси” деб топилган.

У охирги иккита Олимпиада давомида АҚШ ва Ўзбекистон терма жамоалари ўзаро дуч келганда Гулруҳбегим ўз юртдошларига қарши дона суришдан бош тортган.

• АҚШ
• Ўзбекистон
• Шахмат