Бугун, 5 август куни соат тахминан 17:40 ларда Ғузор тумани “Оби-ҳаёт” МФЙ Пачкамар қишлоғи ҳудудидан ўтувчи Термез-Тошкент М-39 автомобиль йўлининг 1249 километрида “Daf” русумли юк машинасидаги ҳайдовчи эҳтиётсизлиги оқибатида бошқарувни йўқотиб, Ғузор дарёсига тушиб кетган, натижада 2 нафар Тожикистон Республикаси фуқаролари турли даражадаги тан жароҳати олиб, юк машинасида қисилиб қолишган.

Келиб тушган хабарга кўра, Ғузор туман ФВБдан қутқарув экипажи воқеа жойига соат 17:55 ларда етиб борган, ёнғин-қутқарувчиларининг саъй-ҳаракатлари ва маҳаллий фуқароларнинг кўмагида 2 нафар фуқаро қутқариб олиниб, туман Тиббиёт бирлашмасига юборилган ва фуқаролар шифокорлар назоратида.

Ҳозирда ҳолат бўйича суриштирув ишлари олиб борилмоқда.

• Qashqadaryo
• YTH
• Yuk_avtomobil