Россия меҳнат бозори инқирози шароитида Ҳиндистон, Шри-Ланка ва бошқа Осиё мамлакатларидан рекорд даражадаги ишчиларни жалб қилмоқда.

Бу ҳақда Bloomberg нашри хабар бермоқда.

Маълумотларга кўра, 2025 йилда Россия Ички ишлар вазирлиги чет элликларга 240 мингдан ортиқ иш рухсатномасини берган – бу 2017 йилдан бери энг юқори кўрсаткич. Ўсишнинг катта қисми Ҳиндистон, Шри-Ланка, Бангладеш ва Хитой фуқаролари ҳисобига тўғри келади.

Нашрнинг таъкидлашича, осиёлик ишчилар нафақат қор тозалагич каби лавозимларда, балки қурилиш майдончаларида, ресторан ва меҳмонхоналарда ҳам ишлайдилар. Ёллаш агентликлари улар учун интенсив рус тили курсларини ташкил қилади ва улардан бири Ҳиндистоннинг жанубида Россия бозорига мўлжалланган пайвандчилар учун ўқув маркази очган.

Визасиз Россияга кириши ва кўпинча иш берувчиларини ўзгартириши мумкин бўлган Марказий Осиёдан келган мигрантлардан фарқли ўлароқ, компаниялар энди визалар ва шартномалар билан ишларига боғланган ходимларга қизиқиш билдирмоқда, деб таъкидлайди агентлик. “Бундай ходимлар ҳали ҳам россияликларга қараганда арзонроқ – малакали ҳинд электрчиси россиялик ҳамкасбига қараганда 25 фоиз камроқ маош олади”, – деб таъкидлайди Bloomberg.

• Россия
• migrant