2026–2027-ўқув йилидан бошлаб тиббиёт йўналишларида оширилган тўлов-контракт асосида ўқишга қабул қилиш тартиби бекор қилиниши мумкин. Бу ҳақда тиббиёт ва фармацевтика таълими тизимини такомиллаштиришга қаратилган қарор лойиҳасида сўз боради.

Ҳужжатга кўра, келгуси ўқув йилидан бошлаб тиббиёт олий таълим муассасаларининг бакалавриат босқичида оширилган контракт амалиёти тўхтатилади. Қабул жараёни шаффофлик ва сифат мезонлари асосида ташкил этилади.

Янги тартибга асосан:

– бакалавриат, магистратура ва резидентура босқичларида ҳар бир ўқув модули ҳамда давлат имтиҳонлари учун минимал ўтиш балли белгиланади;

– шифокор мутахассисликлари учун ўтиш бали камида 70 фоиз, ўрта тиббиёт ходимлари учун эса 60 фоиз этиб белгиланади;

– тор соҳа мутахассислари фақат резидентура ва магистратура орқали тайёрланади, қисқа муддатли қайта тайёрлаш курслари бекор қилинади;

– бирламчи мақсадли ихтисослаштириш курслари (интернатура)га қабул тўхтатилади.

Мазкур ўзгаришлар тиббиёт таълими сифатини ошириш ва малакали кадрлар тайёрлаш тизимини янада такомиллаштиришга қаратилгани қайд этилган.

• ОТМ
• Суперконтракт
• Тиббиёт