Бугун Ўзбекистон Республикаси Ҳарбий суди фуқаро К. Алламжоновга уюштирилган суиқасдга оид жиноят иши доирасида 10 нафар шахсга нисбатан суд жараёни якунланиб, суд ҳукмини эълон қилганлиги ҳақида хабар берган эдик. Ушбу воқеаларга Алламжоновнинг ўзи ҳам Телеграмъдаги саҳифасида муносабат билдирди:

“Катта ойим раҳматлик ҳар доим дуо қилганларида, ўт балосидан, сув балосидан, қуруқ туҳматдан Аллоҳнинг асрасин дердилар. Ўтган 5 ой ичида ўзимдан ўтгани фақат ўзимга, оиламга, энг яқинларимга аён. Ҳақиқат эгилганда эгилиб, букилгандаям икки букилиб барибир синмади, у барибир юзага чиқди. Юзага чиқади ҳам.

Аллоҳга минг шукур. Бандасидан қочганлар Яратгандан қочолмайди. Ҳали олдинда қиладиган ишлар, яна кўп синовли кунлар бор. Илоҳим буларнинг ҳаммасидан ёруғ юз билан ўтиш насиб қилсин!

Аллоҳ ҳаммамизнинг омадимизни берсин”, – деган у.

• Алламжонов
• Қарор
• Суд
• суиқасд