2025 йил 21-23 январь кунлари Тошкент шаҳрида Афғонистон Жамоат ишлар вазирининг темир йўл масалалари бўйича ўринбосари М.И. Соҳибзода бошчилигидаги делегация билан учрашувлар ташкил этилган.

Ўзбекистон Республикаси Транспорт вазири И.Маҳкамов бошчилигида ўтказилган учрашувда афғон томони билан трансафғон темир йўл қурилиш лойиҳасини амалга оширишни жадаллаштириш юзасидан фикр алмашилиб, томонлар келгуси ишларни ташкил этиш бўйича келишиб олишган.

Шунингдек, икки давлат темир йўл маъмуриятлари ўртасида фаол ҳамкорликни янада мустаҳкамлаш мақсадида “Ҳайратон – Мозори-Шариф” темир йўлидан фойдаланиш ва унга хизмат кўрсатиш бўйича шартномани узайтириш юзасидан келишувга эришилган.

Бунда “Ўзбекистон темир йўллари” АЖнинг “Согдиана транс” МЧЖ “Ҳайратон – Мозори-Шариф” темир йўлига хизмат кўрсатувчи оператор сифатида сақланиб қолади.

• Афғонистон
• Ўзбекистон
• Темир йўл
• shartnoma