Ҳиндистоннинг Индира Ганди халқаро аэропортида 3208 грамм олтин олиб ўтишга уриниши муваффақиятсизликка учраганидан сўнг Дубай рейсини амалга ошириш учун Чандигарҳ аэропортига қочган ўзбекистонлик у бортга чиқмасдан туриб ҳибсга олинди. Бу ҳақда маҳаллий ОАВ хабар бермоқда.
“У олтинни троллейбусга яшириб қўйиб, Чандигархга қочиб кетди. Биз уни шанба куни ўша ерда ушлаб, Деҳлига олиб келдик”, – деди расмийлардан бири.
Ушбу ўзбекистонлик эркак багаж аравачаси ичига умумий оғирлиги 3208 грамм бўлган 15 дона тилла занжир ва 17 дона ярим шар шаклидаги тилла буюмларни яширган. Аммо қўлга тушиши мумкинлигини англаб, 13 апрель куни ёнидаги тилла буюмларни троллейбуснинг рентген аппарати ёнига қўйиб, аэропортни тарк этади.
Худди шу куни олтин буюмлар ўша жойдан топилган. Текширувдан сўнг айбланувчининг шахси аниқланган ва у Чандигархдан Дубайга қочишни режалаштиргани ошкор бўлган. Шундан кейин, дарҳол у ердаги расмийлар огоҳлантирилиб уни қўйиб юбормаслик сўралган ва кейинроқ ИГИ аэропортига қайтарилган.
“Ўзбекистонлик эркак олиб ўтмоқчи бўлган олтин буюмлар мамлакат Божхона тўғрисидаги қонуннинг 110-моддасига мувофиқ олиб қўйилди ва айбланувчи йўловчи 104-моддага мувофиқ ҳибсга олинди”, деди расмийлардан бири.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!