Ливан ҳукумати “Исроилни жиноятчи ва миллий суверенитетни бузувчи” деб даъво қилиб, бир неча кишининг ўлимига ва жароҳатланишига олиб келган пейжерларнинг портлашини қоралади. Ливан ҳукумати томонидан эълон қилинган баёнотда “Исроилнинг ҳужуми Ливан суверенитетининг жиддий бузилиши ва ҳар томонлама жиноятдир” деб таъкидланган.

Баёнотда айтилишича, Ливан ҳукумати ушбу жиноятни тергов қилишни таъминлаш учун дарҳол тегишли давлатлар ва Бирлашган Миллатлар ташкилоти билан барча алоқаларни ўрнатган. Аввалроқ, пейжерлари портлатиб юборилиши оқибатида 11 киши ҳалок бўлгани, 4 мингдан ортиқ киши яралангани ҳақида хабарлар тарқалган эди.

The Times of Israel хабар беришича, Моссад қурилмаларни “Ҳизбуллоҳ”га етказиб берилишидан олдин қўлга киритган, уларнинг батареяларига портловчи моддалар ўрнатган ва кейин уларнинг ҳароратини масофадан бошқариб оширган.

Жабрланганларнинг 400 нафари оғир аҳволда эканлиги айтилмоқда. Шунингдек “Ҳизбуллоҳ” Исроилдан қасос олишга ваъда берган.

• Фаластин
• Isroil
• Livan