HUMO’нинг барча хизматлари одатий тартибда ишламоқда. Бу ҳақида тўлов тизими матбуот хизмати хабар берди.

Аввалроқ, 5 апрел соат 12:30 дан 13:00 гача терминалларни HUMO процессингига улашда қисқа муддатли қийинчиликлар юзага келганди. Соат 13:00 га келиб бу ҳолат бартараф этилган ва HUMO карталари билан барча операциялар қайта тикланган.

Лекин, соат 15:00 дан кейин карталардан маблағларнинг икки марта ечиб олиниши ва муваффақияциз транзакциялар натижасида ҳам икки марта ечиб олишлар кузатилган.

Бу каби хавфлар ва носозлик ҳолатлари такрорланмаслиги учун вазият сабаблари тўлиқ аниқланиб, бартараф этилгунига қадар HUMO ўз терминаллари ва тўлов иловаларини вақтинча чеклаш тўғрисида қарор қабул қилинган.

Хусусан, мобил иловаларнинг ишлаши қисман тиклангани ва яқин вақт ичида HUMO’нинг бошқа барча хизматлари тўлиқ ҳажмда ишлай бошлаши айтилганди.

• Ўзбекистон
• Plastik karta