Британиянинг The Economist журнали таҳлилий бўлими – Economist Intelligence Unit (EIU) дунёнинг яшаш учун энг қулай шаҳарлари рейтингини эълон қилди. Рейтингда дунёнинг 173 шаҳри барқарорлик, атроф-муҳит, соғлиқни сақлаш, инфраструктура ва таълим кўрсаткичлари бўйича 100 балли тизимда баҳоланди.

Копенгаген 2025 йил яшаш учун энг қулай шаҳар деб топилди. Дания пойтахти барқарорлиги, яхши инфратузилмаси, сифатли таълим ва соғлиқни сақлаш хизмати, шунингдек, кўплаб маданий ва кўнгилочар тадбирлар туфайли етакчиликни қўлга киритган.

Иккинчи ўринда Вена ва Цюрих, учинчи ўринда эса Мелбурн қайд этилган. Энг яхши ўнликка, шунингдек, Женева, Сидней, Осака, Окленд, Аделаида ва Ванкувер кирди.

Рейтингда сўнгги ўринни Суриянинг Дамашқ шаҳри эгаллади. Бундан ташқари, яшаш учун ноқулай шаҳарлар ўнталигига Триполи, Дакка, Карачи, Жазоир, Лагос, Хараре, Порт-Морсби, Киев ва Каракас кирди.

Эcономистънинг қайд этишича, дунёдаги беқарорлик туфайли шаҳарлардаги турмуш шароитлари кетма-кет иккинчи йил яхшиланмаяпти.

Қўшимча қилинишича, кичикроқ шаҳарлар рейтингда одатда юқорироқ ўринларда жойлашади. Энг яхши 20 та шаҳарнинг фақат учтасида 6 миллиондан ортиқ аҳоли истиқомат қилади. Масалан, Лондон ва Ню-Ёрк мос равишда 54 ва 69-ўринларда. Бу шаҳарларда жиноятчилик даражаси ва терроризм хавфи юқори, йўллар ҳам тирбанд. Дунёнинг энг йирик шаҳарларидан бири Токио эса 13-ўринни эгаллаган.

Тошкент шаҳри рейтингнинг энг қуйи поғоналарида қайд этилган бўлиб, Ўзбекистон пойтахти 100 баллик тизимда 50 дан 60 баллгача тўплаган ҳолда оч кулранг рангдаги мамлакатлар қаторидан жой олган. Бу тахминан 145-160 ўринлар оралиғига тўғри келиши мумкин.

• Дания
• рейтинг
• shahar