Исроил Бош вазири халққа мурожаатида Қўшма Штатлар раҳбари Доналд Трампга Эрондаги ядровий объектларга берилган зарбалар учун миннатдорчилик билдирган.

Нетаняхуга кўра, 13 июнь куни Эронга қарши операция бошида у ядровий объектлар қандай бўлмасин йўқ қилинишига ваъда берган ва бу ваъда бажарилган.

Исроил бош вазирининг таъкидлашича, АҚШ зарбаларни Исроил мудофаа армияси (ЦАХАЛ) билан тўлиқ мувофиқликда амалга оширган. Нетаняхунинг айтишича, Трамп зарбалардан сўнг дарҳол унга қўнғироқ қилган, бу суҳбат “жуда самимий ва таъсирли” бўлган.

Нетаняху Трампнинг Эронга зарба бериш тўғрисидаги “жасоратли қарори” тарихни ўзгартирганини қайд этган.

Шунингдек, у АҚШ президентининг ушбу қарори “Яқин Шарққа барқарорлик олиб келиши”га ишонишини билдирган.

• АҚШ
• Binyamin Netanyaxu
• Isroil
• Трамп