Португалиялик машҳур футболчи Криштиану Роналду ўзининг расмий YouTube саҳифасини очди. У 15 соат давомида 13 миллиондан ортиқ обуначи йиғди ва кўрсаткич янада ошиб бормоқда.

Криштиано 21 август куни YouTube’да расмий саҳифа очганини эълон қилди ва унга видеолар жойлашни бошлади. Ҳозирча каналда 19 та видео бор. 5 карра “Олтин тўп” соҳиби ўз оиласи билан қизиқарли видеолар тайёрламоқда. Масалан, каналда ҳозирча энг кўп кўрилган (9 млн) видеода Роналда севгилиси Жоржиния билан ўзлари ҳақида савол-жавоб ўйинини ўйнашган.

“Реал Мадрид” собиқ футболчиси 1 миллион обуначи йиғиши учун 2 соатдан камроқ вақт кетди ва YouTube аллақачон ушбу довондан ўтган блогерларга юборадиган совғасини Криштиануга етказди.

Роналду 1 миллионлик олтин тугмачани “unpacking” қилаётгани ва бунга болаларнинг реакцияси кўрсатилган видеони ҳам каналига жойлади.

Маълумот учун, футболчи Instagram ижтимоий тармоғида дунёдаги энг кўп обуначига эга фойдаланувчи ҳисобланади. Уни Instagram’да 636 миллион киши кузатади.

• Роналду