Бугун, 2022 йил 25 сентябрга ўтар кечаси илк бор Бирлашган Араб Амирликларидан “Flydubai” авиакомпаниясининг ҳаво кемаси Наманган халқаро аэропортига келиб қўнди. Бу ҳақда вилоят ҳокимлиги ахборот хизмати хабар берди.

Қайд этилишича, авиакомпаниянинг “Boeing 737” русумли ҳаво кемасида Дубай – Наманган йўналишида йигирмага яқин йўловчини Ўзбекистонга олиб келган бўлса, Наманган шаҳридан Дубай шаҳрига 189 киши жўнаб кетди.

Дубай – Наманган йўналишидаги павозлар ҳафтанинг чоршанба ва шанба кунлари, Наманган – Дубай йўналишидаги авиақатновлар эса пайшанба ва якшанба кунлари амалга оширилиши режалаштирилган.

Маълумот ўрнида, бугунги кунда “Flydubai” авиакомпанияси юртимизнинг Тошкент ва Самарқанд шаҳарларига мунтазам авиақатновларни амалга ошириб келмоқда.

• Аэропорт
• БАА
• Наманган