Исроил ҳаво кучлари самолётлари Ғазо секторидаги яна бир масжидни бомбардимон қилди. Исроил томонидан 30 дан ортиқ масжид нишонга олинган, уларнинг бир қисми бутунлай вайрон қилинган.

Исроил ҳаво кучлари самолётлари блокада остидаги яна бир масжидни бомбардимон қилди.

Бу ҳақда Ғазо Ички ишлар вазирлиги ёзма баёнотида айтилган. Шунингдек, баёнотда, Исроил ҳарбий самолётларининг Ғазо сектори шимолидаги Бейт Лаҳиадаги Муҳаммад Фатиҳ масжидига ҳаво ҳужуми уюштиргани қайд этилди.

Ушбу маълумотларга кўра, ҳужум натижасида масжид бутунлай вайрон бўлган ва жароҳатланганлар бор.

Аввалроқ Ғазодаги Вақф ишлари вазирлиги 30 дан ортиқ масжид ҳужумлар нишонига айлангани, уларнинг баъзилари бутунлай вайрон бўлган, қолган қисми эса жиддий зарар кўргани ҳақида маълум қилган эди.

• Фаластин
• Isroil
• Масжид