Президент Шавкат Мирзиёев раислигида хизматлар соҳасини ривожлантириш бўйича 2024 йилда амалга оширилган ишлар ва 2025 йил учун асосий вазифалар юзасидан видеоселектор йиғилиши бўлиб ўтмоқда.

Йиғилишда уч йил олдин қабул қилинган хизматлар секторини ривожлантириш бўйича катта дастур бугун натижасини бераётгани таъкидланди.

Қайд этилишича, қўшимча 1,5 миллион аҳоли сервис соҳасида доимий даромадга эга бўлган. Хизматлар 2018 йилдаги 19 миллиарддан 65 миллиард долларга ошган.

Айниқса, IT, молиявий хизматлар, туризм, авиация, таълим ва тиббиёт соҳаларида “катта сакраш” бўлгани таъкидланди.

Маълум қилинишича, сўнгги етти йилда аҳоли даромади ва тўлов қобилияти 2 карра ўсгани натижасида аҳолида янгича хизмат ва сервис турларига талаб ортмоқда. Шунга яраша вазирлар ва ҳокимлар талабга мос равишда хизматларни ривожлантириши кераклиги қайд этилди.

• Шавкат Мирзиёев
• Видеоселектор
• yig'ilish