Жорий йилнинг 4 август куни Канаверал бурнидан “Фалкон 9” ракетаси Жанубий Кореянинг “Korea Pathfinder Lunar Orbiter”ни (KPLO) коинотга олиб кирди. Бу Жанубий Кореянинг биринчи Ой сунъий йўлдоши бўлиб, 16 декабрь куни Ой атрофидаги орбитага чиқади, деб хабар беради “Spaceflight Insider”.
Қиймати 200 миллион долларлик KPLO’нинг оғирлиги 678 кг бўлиб уни энергия билан таъминлайдиган қуёш панеллари билан жиҳозланган. Сунъий йўлдош бортида олтита илмий асбоб-ускуна мавжуд: учта камера (Lunar Terrain Imager, PolCam va ShadowCam), тармоқ ускуналари, магнитометр ва гамма-нур спектрометри.
Сунъий йўлдош Кореянинг Ойга бўлажак миссияси учун қўниш жойини топишга ёрдам берадиган юқори аниқликдаги фотосуратларни олади. Иккинчи камера асосий эътиборни топографик хариталар учун суратга олишга қаратади, учинчиси – NASA’нинг ShadowCam қурилмаси эса ойнинг доимий сояли ҳудудларида сув муз конлари белгиларини қидиради.
Қурилма уран, гелий-3, кремний ва алюминий каби Ойда мавжуд ресурсларни ўрганади ва магнит майдонни ўлчайди. Ва ниҳоят, унинг вазифалари сайёралараро Интернетни ердаги объектлар билан алоқа қилиш учун синовдан ўтказишни ўз ичига олади.
Бугунги миссия Жанубий Корея учун Ойни учириш дастуридаги биринчи миссиядир. Умуман олганда, мамлакатнинг ой дастури икки босқичга бўлинган. Биринчиси, KPLO’ни ишга тушириш ва ишлатишни ўз ичига олади. Иккинчи босқичда ойга қўнувчи ва ровернинг ишга туширилиши кўзда тутилган. Улар 2025 йилда “Naro” космик марказидан Жанубий Кореянинг KSLV-2 ракетасида учирилиши режалаштирилган.
NASA иштирокида KPLO’ни ишлаб чиқиш 2014 йилда бошланган. Учириш дастлаб 2018 йилга мўлжалланган эди, шундан сўнг у икки марта қолдирилди. Айтганча, қурилманинг иккинчи номи – Данури.
Қайд этилишича, у корейсча дал (“ой”) ва нурида (“завқ”) сўзларидан олинган.
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!
Ўзбекистон ва жаҳонда рўй бераётган энг сўнгги воқеа-ҳодисалар, спорт, шоу-бизнес, маданият, информацион технологиялар ва илм-фан янгиликларидан доимо хабардор бўлинг!