Астрофизиклар илк бор коинотда энг хира галактика мавжудлигини тасдиқладилар. Унга JD1 илмий номи берилди. Бу кашфиёт Жеймс Уебб телескопи ёрдамида амалга оширилди.

Тадқиқот коинотнинг дастлабки тарихини яхшироқ тушунишга имкон беради. Назарияга кўра, коинот мавжудлигининг дастлабки босқичларида ёруғлик бўлмаган. Бу давр “космик қоронғу асрлар” деб номланади.

Бир неча юз миллион йил ўтгач, биринчи юлдузлар ва галактикалар пайдо бўлди ва коинот ультрабинафша нурлар билан тўлди.

Бу давр “Реионизация даври” деб аталади. Ўша даврдаги галактикалар турларини ўрганиш замонавий астрономиянинг асосий вазифаларидан биридир. Жеймс Уебб телескопи кейинги авлод галактикаларини ўрганиш учун зарур бўлган сезгир инфрақизил асбоблар билан жиҳозланган.

Аввалги тадқиқотларда телескоп бир нечта галактикаларни топди, бироқ уларнинг барчаси ёрқин ва олимларнинг фикрича, ёш коинотга хос эмас эди. Улар ўта заиф галактикаларни қидиришга эътибор қаратди.

JD1 шунчалик хиралашганки, галактиканинг ёши 13,6 миллиард йил эканлиги айтилмоқда. Шунингдек, у ихчам ўлчамга эга. Маълумотларга кўра, JD1 Сомон йўлидан кўп марта кичикроқ.

• Коинот
• Lifestyle
• қизиқарли