Кения полицияси мамлакатда мавжуд диний тариқат қурбонларига тегишли бўлган яна 22 кишининг жасадини топди.

Кения полицияси 13 май куни ўтказилган қидирув операцияси давомида мамлакатнинг Шакаҳол ўрмонида руҳонийлар томонидан яратилган тариқатга алоқадор бўлган 22 нафар инсоннинг жасадини топди.

Қайд этилишича, тариқат етакчилари ўз издошларига комилликка эришиш учун очликдан ўлишни буюрган. “Reuters” агентлигига кўра, қурбонларнинг умумий сони 201 кишига етган.

“Жума куни 29 кишининг жасади топилди, улардан 12 нафари битта қабрда кўмилган ўлик болалардир”, – дейилади вилоят ҳукумати расмийлари баёнотида.

Ҳолатга алоқадор бўлган асосий гумондор шахс ҳибсга олинган. Фуқароларнинг ўлими бўйича ҳибсга олинганларнинг умумий сони эса 26 кишига етди.

Юзлаб одамлар ҳануз бедарак йўқолган, деб ҳисобланади. Кения оммавий ахборот воситаларининг ёзишича, уларнинг сони 600 га яқинлашган. Бир ҳафта давомида расмийлар йўқолганларни қидириш учун ўрмон бўйлаб тарқалиб кетган саёз қабрлар кавлаган ва омон қолганларни қидириш учун ҳудудни тарашди.

• Жиноят
• O'lim