Чеченистон раҳбари Рамзан Қодиров ўзининг яқин қариндошларини республика ҳукуматидаги юқори лавозимларга тайинлангани ҳақидаги танқидларга муносабат билдирди. Бу ҳақда унинг шахсий Телеграм каналига жойлаган постида гап боради.

“Турли “сиёсатшунослар” ва “мутахассислар” (аниқроғи, қўштирноқ ичида) менинг қариндошларим орасидан тайинланагн давлат хизматчилари ҳақида гап кетганда Қонун ҳақида гапиришни ёқтиришади. Очкин ва Самонкин кабиларнинг малакаси бир тийинга ҳам арзимайди. Уларнинг даҳшатли ҳикояларини тингланг, айтишларича минтақадаги юз минглаб ходимлар орасида менинг бир нечта яқин қариндошларим борлиги сабабли бутун республика парчаланармуш. Мени кулдирма. Сиёсатшунослик қулоғингиздан томаётган бўлса, жиддийроқ масалалар билан шуғулланинг”,– дейди у.

Қодировнинг айтишича, уни қонунни бузганликда айблашса, бу икки баробар кулгили. Чеченистон раҳбарининг таъкидлашича, республикасида қонун ҳамма нарсадан устундир!

“Минглаб чеченлар республикамиз Конституцияси учун жонларини фидо қилдилар. Улар орасида менинг дўстларим, қариндошларим ва мен учун энг азиз инсон - Отам бор. Ҳозирги амалдорларнинг асосий улуши Қодиров жамоасининг ўз ҳаётини хавф остига қўйган биринчи аъзоларидир. Ҳа, улар орасида менинг қариндошларим ҳам бор”,– дейди Чеченистон раҳбари.

Қодировнинг таъкидлашича, қонун шарофати билан Чеченистон Республикаси бугунги кунда Россиянинг энг хавфсиз минтақаларидан бири ҳисобланади.

“Қайта-қайта айтганларимни ҳам унутманг: ҳар қандай муассаса ва ҳар қандай лавозимдаги қариндошларимдан қилинадиган талаб бошқаларникидан ўн баробар кўп, чунки улар мен туфайли эмас, менга қарамай ишлашларини исботлашлари керак. Кимга ишонсам, тайинлайман. Натижа ва фидойилик мен учун муҳим. Бу "Беҳуда меҳнат" артелидаги қандайдир том маънода сиёсатшунос айтадиган гап эмас”,– дея хулоса қилган Рамзан Қодиров.

• Checheniston
• Ramzan Qodirov